CESTAS de POESÍA e IGUALDADE

Para poder superar o 3º reto proposto por Leolea, deixámosvos na biblioteca unhas cestiñas con recomendacións lectoras relacionadas coa igualdade.

Ademáis, para entender mellor en que consiste a proposta da

 POESÍA COLECTIVA,

 teredes outras tres cestiñas con libros de poesía.

Agardo que as desfrutedes!

Seguro que realizaredes entre todos un fantástico poema 

co cal celebrar unha data tan importante!

Ruxidos, apertas e moitos bicos!

 

3º RETO de LEOLEA

As nosas FRASES de CONTO!

 Vos presentamos o resultado final do 2º reto 

proposto por Leolea ao alumnado do centro.

Agardamos que o disfrutedes!

2º RETO de LEOLEA

😸 Ola de novo, nenos e nenas de Tenorio: 

Estades feitos uns pequenos artistas; emocionoume ver a cantidade de traballiños  que me fixestes chegar no primeiro reto. 

Como agasallo, prepareivos unha presentación que vos deixo no apartado da  biblioteca da web do voso cole . Agardo que a disfrutedes! 

Aproveito tamén para presentarvos un NOVO RETO 

Gustaríame que enviásedes unha FRASE DE CONTO que vos guste  especialmente por parecervos interesante, divertida, chea de lembranzas, … 

A modo de exemplo déixovos aquí a miña . 

- FRASE: “O pasado pode doer, pero tal como eu o vexo, podes fuxir del ou  aprender” 

- LIBRO: O rei león. 

- AUTOR: Linda Woolveerton, Irene Mecchi e Jonathan Roberts 

- POR QUE É UNHA DAS MIÑAS FAVORITAS?: Porque sempre meus pais me  explicaban o importante de ser forte ,de non fuxir dos problemas (sobre todo os  dos profes de mates) e aprender dos meus erros. Así acadei pouco a pouco  vencer os meus medos. Agora son un dos animais máis fortes e valentes! 

-  IMAXE DO CONTO:  

                                                                    Un forte ruxido para todos vós!                           .                                                                                               

Cestas temáticas: O MEDO

 Feliz Día das Bibliotecas!

     Que mellor que celebralo cun chisquiño de lectura!

Para elo, a vosa biblioteca preparou unhas cestiñas temáticas

 cheas de fantásticas historias.

 Que pode apetecer mais nestes días chuviñentos?

Desta vez o tema central será: O MEDO!!!! 

 

Aquí vos deixo unha pequena mostra dalgúns dos títulos que atoparedes nelas.

INFANTIL e 1º 

2º, 3º e 4º

5º e 6º

Agardo que as disfrutedes nos vosos tempos de lectura.

 Unha gran aperta ,

        Leolea

ÚLTIMAS NOVIDADES LECTORAS

Boas tardes pequenos lectores!

Aquí vos deixo os novos títulos que acabamos de incorporar a nosa bilioteca. 

Pronto visitarei as vosas aulas para deixar que disfrutedes coa lectura dalgúns deles.

Desta vez, en castelán e en inglés.

CÓMIC

MEDO, BRUXAS,SAMAÍN,...

RELACIONADOS COA NATUREZA

 POESÍA

SOBRE O ARTE E O INXENIO MATEMÁTICO

EN INGLÉS...

Agardo que disfrutedes con todos eles!

CARTA e novo RETO de LEOLEA

                                           

Ola nenos e nenas do cole de Tenorio!

Por fin podemos volver a estar xuntos! Canto vos extrañei!

Neste curso tan especial non podemos recibir nin bicos nin apertas, mais podemos mostrar o agarimo de moitas outras maneiras.

O que mais me gusta do mundo é poder compartir convosco a miña paisón pola lectura e pensei que unha boa forma de facelo sería propoñervos pequenos desafíos relacionados cos libros.

Estades preparados? Seguro que si!

Sei que sodes uns valentes e os superaredes sen problema.

1º RETO (2º quincena de outubro): Basándonos no conto “Leaf Man”, crearemos dende o cole e as casas composicións artísticas con elementos da natureza propios do outono, empregando para elo follas de distintas formas e cores, puidendo usar landras, cogumelos, cabazas, castañas, paus,...

As vosas creacións deberédelas fotografiar e enviar antes do 30 de outubro ao meu correo electrónico: abibliodeleolea@gmail.com

Coas imaxes que reciba, e coa axuda da nosa auxiliar de conversa Elysse, darémoslle vida a unha nova versión desta historia, a cal compartiremos con todos vós a través do noso blog da biblioteca.

Biquiños grandes,

Leolea

PD: Para a semana do Samaín deixareivos preparada na nosa biblio un photocall misterioso. Ide escollendo algunha das lecturas das cestiñas de medo e ensaiade as vosas poses arrepiantes. Que o voso mestre vos saque unha foto e...Polo Samaín... tremeremos coa misteriosa presentación con todas elas.

(Prepareivos este collage con diversas propostas que vos servirán de inspiración)

VISITAS VIRTUAIS A MUSEOS DO MUNDO

Dado que o tema para traballar durante este ano era o xogo a través da arte  e que non foi posible realizar o traballo por completo debido á emerxencia sanitaria deixamos esta entrada para que poidades acceder ás obras de arte de diversos autores. Pulsa sobre as imaxes para acceder ás ligazóns.

MUSEO VAN GOGH

PABLO PICASSO.

SALVADOR DALÍ

POEMAS DENDE AS NOSAS CASAS

A distancia une. Ou así pensan os nosos alumnos, que dende a soidade do confinamento puideron elaborar esta preciosa poesía ilustrada que presentamos neste vídeo.

O MEU LIBRO PREFERIDO

Un libro é un soño que tes nas túas mans. O noso alumnado quere facervos partícipes dos seus soños decindo cal é o seu libro preferido. Esperamos que disfrutedes con este video feito con moito agarimo.

LETRAS GALEGAS 2020

Hoxe é un día moi especial para nós e para as nosas letras. Como cada 17 de maio celebramos o día da nosa lingua. Nestas datas o noso cole énchese de actividades, celebracións e representacións arredor do homenaxeado. Este ano debido ás circunstancias, aplazaremos esa gran celebración pero desde as nosas aulas virtuais seguimos traballando en torno á figura de Ricardo Carvalho Calero, o homenaxeado deste 2020.

Carvalho Calero foi un dos autores máis relevantes da cultura galega do século XX que destaca polo seu compromiso coa nosa lingua, polos seus ensaios sobre a  literatura galega e pola súa poesía e teatro.

Moi feliz día e apertas fortes de Leolea!

"MONSTRO ROSA" de Olga de Dios

Monstro rosa é moi querido polo noso alumnado de Infantil, esperta neles unha chea de sentimentos: agarimo, ledicia, pena, amor...

Neste vídeo podedes ver as fantásticas versións deste gran monstro....

Moitos bicos de Leolea!

O CLUB DAS LERCHIÑAS

"O club das lerchiñas" é unha proposta enmarcada na campaña de lecer e formación #aculturasegue da Xunta. Esta iniciativa comezará a súa andadura o 9 de maio cunha emisión en liña todos os sábados ata o 6 de xuño.

Entre as lerchiñas atopamos a 6 contadoras galegas  de luxo, coñecidas e admiradas polo público infantil:

• María Lado e Lucía Aldao- 9 de maio
• Bea Campos- 16 de maio
• Andrea Bayer- 23 de maio
• Paula Carballeira- 30 de maio
• Ledicia Costas- 6 de xuño

Como vedes, unha idea xenial para gozar os sábados en familia!

Ruxidos fortes de Leolea

ADIÓS RÍOS, ADIÓS FONTES

Que gran traballo o realizado polos nenos e nenas de 4º con este fermosísimo poema de  Rosalía de Castro.

A poesía sempre é capaz de emocionarnos e tratándose da nosa Rosalía aínda máis...

Realmente precioso!

FELIZ DÍA DO LIBRO

Ola nenos e nenas!

Hoxe, 23 de abril celébrase en todo o mundo o Día Internacional do Libro.

Para que poidades disfrutalo achegamos unha escolma de recursos arredor do libro e da lectura.

Eu, Leolea aquí estou na biblioteca do cole aproveitando para ler unha chea e desexando vervos de novo.

 Ata entón mándovos unha aperta moi forte!!!!

                                                          Leolea

Un Xabi de chocolate Ledicia Costas

Técnicas escritura creativa

Revista Asterix

Libros Infantiles gratuitos

Propostas lectura por idades

                                                                 

Descargas en pdf para toda a familia

                      

"O mellor corto do mundo para fomentar a lectura"

ADIVIÑA CANTO TE QUERO

Este é o marabilloso conto de Sam McBratney que prepararon os nenos e nenas de 3º para celebrar o Día do libro. Gran traballo. Realmente precioso!!!

UN ENTROIDO CON MOITA ARTE

O pasado mes de febreiro celebramos o entroido no noso cole. Un entroido cheo de cores, música e moita alegría.

Escollemos disfraces relacionados co noso Proxecto Documental Integrado deste curso: "O xogo a través da arte", que estamos a traballar de maneira interdisciplinar dende todos os niveis.

Pequenos pintores, vistosas paletas, representacións de obras de artistas como Goya ou Luis Seoane... encheron o noso entroido de moita arte!

 Ruxidos fortes de Leolea

DÍA DO LIBRO INFANTIL

Hoxe, 2 de abril celébrase o Día Internacional do Libro Infantil, en honor ao nacemento do autor Hans Christian Andersen.

Para conmemorar esta data e dadas as circunstancias ofrecémosvos unha escolma de recursos como  a descarga gratuita de libros infantís, audiocontos e acceso gratuito a plataformas de préstamo.

Desexamos que dende as vosas casas viaxedes unha chea con estos contiños.

Ruxidos e apertas de Leolea.

- Visualización de contos infantís: http://www.crtvg.es/infantil/programas/os-contos-do-camino

- Acceso gratuito á plataforma de préstamo das bibliotecas públicas galegas:https://www.galiciale.gal/

-Descarga de 20 libros infantís: http://www.ayudaparamaestros.com/2020/03/20-libros-infantiles-gratuitos-para.html

RECURSOS ARREDOR DA LECTURA

Como #quedamosnacasa, o Equipo de Biblioteca elaborou un pequeno banco de recursos onde recollemos actividades relacionadas coa lectura, para que así poidades seguir gozando coa #horadeler na vosa casa. 

Ruxidos fortes de Leolea!

   

Visita virtual ao Salón do libro de Pontevedra

Contos cantados de Kalandraka TV

Cuentos para quedarse en casa

- Descarga en PDF dos fantástico libros de Olga de Dios:

 

CON MOITAS GANAS DE VÓS

Ahí vai o vídeo feito polos profes para o noso alumnado con todo o agarimo do mundo...

Temos moitas ganas de vós, de que o voso bullicio e as vosas risadas volvan encher o noso cole.

Todo pasará... MOITO ÁNIMO FAMILIAS! 

O AMOR

 

Durante as últimas semanas dedicamos o noso estante temático ao amor. Así puidemos aprender unha chea de cousas sobre os diferentes tipos de amor: o amor entre amigos, o amor aos animais e a natureza, o amor aos avós, irmáns, de papá e mamá...

A verdade é que é unha das cousas máis importantes que  temos na vida... non si?

Ruxidos fortes de Leolea

A NOSA NOVA MASCOTA

       
 Este mércores tivo lugar na biblio a presentación da nosa nova mascota: Leolea, nome proposto polo alumnado, por suposto. Ademais os nenos e nenas recibiron os seus novos carnés da biblioteca para poder facer o préstamo de xeito informatizado e completamos a formación de usuarios iniciada no pasado trimestre.
 Ruxidos fortes para todos!